Tarbiyya Tatali

Me kuke iya bayarwa ?

Marie-Françoise — 2010-07-25T22:46:04Z

Gudunmuwar kuɗi ko yaya take tana da amfani Ba da. gudummawa ga AECIN.

Bada jacen abubuwa, ba kullum yake dacewa ba.

Ba mu magungunan da ba a yi amfani da su ba, tufafin da aka yi amfani da su, ko littattafan makaranta da aka yi amfani da su ba kyakkyawan ra'ayi ba ne saboda dalilai da yawa.

Batar da akwatunanmu don aika abubuwan da ba mu amfani da su zuwa ƙasashe matalauta ba hanya ce mai kyau ba, kuma baya haifar da musayar gaske.

Bugu da kari, Nijar kasa ce da ba ta da ruwa kuma jigilar kayayyaki a can na da tsada. Ana amfani da aikewa da kuɗi don siyan abubuwan da suka dace da rayuwar gida a can, da kuma ci gaba da ci gaban tattalin arziki da kasuwanci.

Wasu abubuwan suna da amfani

Daga cikin kayayyakin, wasu suna da amfani a can, kamar luletin gani, waɗanda ba a ƙerawa a can. Kenan ya cancanta a nuna ƙarfinsu.

Magungunna

Yana yiyuwa magungunnan da ba a yi amfani da su ba, ba su dacewa sosai da yadda ake buƙatar su a Nijar, kuma suna iya zowa a hannun mutanen da ba su da cikakken horo ; har a jayo wani ciwo maimakon yin magani. Magungunna kamar su ‘'aspirin'', su ne suka fi buƙata ; amma su ma sai da kuɗi.

Tufafi

Tufafin ɗari ne suka fi amfani saboda sanyin da yake sabkowa da marece ko da dare a wani lokaci, su ma dai aika su ke da tsada.

Littattafan ƴan ƙananan makarantu

Littattafan ƙananan makarantun Faransa ba su dace ba da tsarin koyarwa na ƙananan makarantun Nijar. Kenan ya fi dacewa a aika kuɗin domin sayen littattafan da suka dace.

Littattafan ‘'sakandari'' (‘'se'eje'' da ‘'Lise'')

Littattafan ƴan makarantun ‘'sakandari'' wato ‘'se'eje'' da ‘'Lise'', da littattafan adabi, da ƙamusoshi da saran su, ana buƙatarsu sosai saboda ƙarin sani, sai dai babu su sosai. Kenan ana iya aika da yawa a can, ko da yake kuɗin aikawar sun yi yawa.

Photo d'Alain Roux

Yaya za ku kawo gudunmuwa ?

Marie-Françoise — 2010-07-25T22:41:16Z

Kawo mana goyon baya

Gudunmuwar da kuke iya kawo mana, ita ce kulawa da harakokin Nijar da Afirika; ku goyi bayan ayyukan ci-gaba mai ɗorewa da muke yi, da na cuɗayyar al'adu, da na taimakon juna. Abokanmu na Nijar masu gudanar da aikin Tarbiyya Tatali, suna buƙatar goyon bayanmu da ra'ayoyinmu a duk lokacin da suke tsare-tsaren ayyukan ci-gaba.

Da kuɗi kaɗan akan yi abubuwan mamaki

Ƴan kuɗi kaɗan idan an sanya hannunsu, sun ishe su aiwatar da ayyukan a-zo-a-gani. Kuɗin yuro 2 (kimanin jika 1 da 60) suke sayen littattafan ƴan makaranta na yaro 1 ; yuro 10 (jika 6 da rabi da dala 11) sun isa abincin rana na yaro 1 har tsawon shekara. Yuro dubu 4 da ƙungiyar take tattarawa, sun isa aikin ajin ‘'Espoir'' na shekara 1, da biyan malaman makaranta na shekara 1, ko kuma biyan shekara na babban malamin likita. Moton ƙungiyar ta tashi yuro 1200, kuma motar da ake amfani da ita don ziyartar ɗakunan shan magani na garuruwa, ita kuma ta tashi a yuro 7000.

Gudunmuwar kuɗi

Yana da amfani koyaushe don ba da taimakon kuɗi, ko da kaɗan, ta hanyar tantance idan kuna son wanne daga cikin ayyukanmu kuke son taimakawa. Kuna iya yin hakan ta hanyar ba da gudummawa ga AECIN.

Shiga ƙungiyar

Idan kuna buƙatar ku raka mu, sai ku shiga ƙungiyar AECIN.

Ku keɓe wani lokacinku saboda mu

Ko kun shiga ƙungiyar ko ba ku ciki, idan kuna da isasshen lokaci, to ku keɓe mamu kaɗan domin sanar da abubuwanmu a kewayenku, ko samo hanyoyin taimaka ma ayyukanmu a ma'aikatarku ko wurin hukumarku, ko kuma sanya baki wajen nuna ingancin wani daga cikin tsare-tsarenmu.

Photo d'Alain Roux

Kantin ƙungiyar Tarbiyya Tatali

Marie-Françoise — 2010-07-25T22:34:51Z

A Nijar muke aiko kuɗin abubuwan da muke sayarwa; bayan wannan, abubuwan suna ba da damar sanin ƙasar Nijar, da al'ummarta, da irin yanayinta, da kuma al'adunta.

Lugu da Sarauniya

Tarbiyya Tatali da gidan wallafawa littattafai mai sunan Harmattan suka yi wallafawa ta biyu na littafin tare da yi masa yan gyare-gyare. Ana sayda littafin "Lugu da Sarauniya" euros 19. Ana iya aika shi ta gidan waya. Command. Ana amfani da illahirin kuɗaɗen da aka samu na littattafai, don bunkasa ci gaban ayyuka na al'ummar Lugu.

Tarihin Kwanawa

Tarbiyya Tatali da L'Harmattan suka wallafa wannan littafi na Dangaladima Issa Danni Soumana, mai kumshe da al'adun baka, da gabatar da tarihin kwamin ɗin Kwanawa da suke a jihar Dogondutsi, a Ƙasar Nijar.

Littafin dai kuɗinsa euros 19 ne.
Kuna iya sayen shi, a aka maku shi.

Makarantar gidan mai geme wato mission ta Dogon Dutsi

Sakamokon aikin da Antoine Leocur ya yi a shekarar 2008 lokacin da ya je zaman cuɗayyar juna tare da Tarbiyya Tatali, wannan ɗan littafin yana ƙumshe da taƙaitattun shaidu na tsofin ɗaliban makarantar gidan masu gemu wato mission ta Dogon Dutsi.
A na iya sayen littafin, kuɗinsa euros 5. Ana iya aika shi, ana iya odar shi : oda

Littafin gatanai mai sunan ‘'Gatan gatanku : an yi wani lokaci a Nijar...''

Ana sayar da wannan littafin a yuro 5 (wajen jika 10 kenan). Idan ta hanyar saƙon wasiƙu ne, to zai tashi a yuro 18, tunda yuron 3 na bisa su ne na aiko saƙon. Duka kuɗin da ake samu ga littafin, a Nijar ake aiko su don aiwatar da ayyukan ci-gabon ƙasar.

Littafinmu na farko na gatanai mai suna ‘'Gatanan ƙasar Nijar'', ya ƙare.

Katocin gatanai

A albarkacin fitowar littafin ‘'Il était une fois au Niger'', an buga katocin goma sha biyar (15) dabam dabam na zagayowar shekara. Kowace kati ta ƙunshi hoton da Abdul Aziz Sumaïla ya aka ɗauka a wurrin mai gatana, kande ko Isa, tare da zuban ɗaya daga cikin gatanan. Kuɗin yuro 1 (dala 135) ake sayar da kati guda. Tarin duka gatanan ya tashi yuro 15.
A game da waccan littafin gatanan ‘'A l'école des contes nigériens'', katoci 9 aka yi daban daban masu ɗauke da hotunan da Alain Roux ya yi, a kuɗin yuro 1 kowace kati.

Katocin gaisuwa ko hotunan kahe.

Akwai katoci masu hotunan launin baƙi da fari na Alain Roux bisa'' Enfants du Niger'' wato 'ƴaran Nijar''; yuro 4 ake sayar da hotuna 9 (a ƙayyade girman katin ko na hoton kahen)
Akwai hotuna masu launi na Alain Roux bisa ‘'Rayuwar yau da kullum a Nijar'' ‘'Vu quotidienne au Niger'' yuro 4 ake sayar da hotuna 10 (a ƙayyade girman katin ko na hoton kahen).

Raka mu da gudummuwar kuɗi

Kuna iya raka mu ko kuma ku aiko ma AECIN ko AESCDgudummuwar kuɗi, kuna iya faɗin aikin da kuka kawo ma goyon baya.

Adireshi

Ana iya aiko kowane irin saƙo, ko takardar ‘'shak'' na banki'', ko odar wani abu a wannan adireshin :

Tarbiyya Tatali AECIN

C/O Marie – Françoise Roy

6A Mail de Bourgchevreuil

35510 Cesson – Sévigné

Idan odar wani abu ne, ku aika a layin ‘'intanat'' : aecin@tarbiyya-tatali.org.